Kerala Rain Chances Today : തെക്കൻ കേരളത്തിൽ മഴ ശക്തമാകുമെന്ന് അറിയിപ്പുമായി കേന്ദ്ര കാലാവസ്ഥ വകുപ്പ്.നിലവിൽ തെക്കൻ കേരളത്തിന്റെ മുകളിൽ രൂപപെട്ട ചക്രവാതച്ചുഴി വൈകാതെ തന്നെ ന്യൂനമർദ്ദമായി മാറുമെന്നതിനാൽ സംസ്ഥാനത്ത് ശക്തമായ മഴക്ക് സാധ്യത
ഈ മാസം 11 -ാം തിയതിവരെ സംസ്ഥാനത്തെ പലവിധ ജില്ലകളിൽ അതിശക്തമായിട്ടുള്ള മഴക്കുള്ള സാധ്യത കേന്ദ്ര കാലാവസ്ഥ വകുപ്പ് ഇപ്പോൾ പ്രവചിച്ചിരിക്കുകയാണ്.ഇന്ന് തിരുവനന്തപുരം, കൊല്ലം ജില്ലകളിലും നാളെ( ഒക്ടോബർ 9) ഇടുക്കിയിലും മറ്റന്നാൾ ( ഒക്ടോബർ 10) പത്തനംതിട്ട, ഇടുക്കി ജില്ലകളിലും ഒക്ടോബർ പതിനൊന്നാം തിയതി തിരുവനന്തപുരം, കൊല്ലം ജില്ലകളിലും മഴ ശക്തമാകും, ഇത് അനുസരിച്ചു കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുകയാണ്.
ഓറഞ്ച് അലർട്ട് പ്രഖ്യാപിക്കപ്പെട്ട ജില്ലകൾ
- 07/10/2024 : പത്തനംതിട്ട, കോട്ടയം, ഇടുക്കി, മലപ്പുറം, വയനാട്, കണ്ണൂർ
- 08/10/2024 : തിരുവനന്തപുരം, കൊല്ലം
- 09/10/2024 : ഇടുക്കി
- 10/10/2024 : പത്തനംതിട്ട, ഇടുക്കി
- 11/10/2024 : തിരുവനന്തപുരം, കൊല്ലം
എന്നീ ജില്ലകളിൽ കേന്ദ്ര കാലാവസ്ഥവകുപ്പ് ഓറഞ്ച് അലർട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളിൽ അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 mm മുതൽ 204.4 mm വരെ മഴ ലഭിക്കുമെന്നാണ് അതിശക്തമായ മഴ (Very Heavy Rainfall) എന്നത് കൊണ്ട് കാലാവസ്ഥ വകുപ്പ് അർത്ഥമാക്കുന്നത്.
യെല്ലോ അലർട്ട് പ്രഖ്യാപിക്കപ്പെട്ട ജില്ലകൾ :
- 07/10/2024: തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ, പാലക്കാട്, കോഴിക്കോട്
- 08/10/2024: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ
- 09/10/2024: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ
- 10/10/2024: തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, തൃശൂർ
- 11/10/2024: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, കോഴിക്കോട്, വയനാട്
എന്നീ ജില്ലകളിൽ കേന്ദ്ര കാലാവസ്ഥാവകുപ്പ് മഞ്ഞ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.
Also Read :മണ്ണാറശാല ആയില്യം: 26ന് ജില്ലയിൽ അവധി
