Seaplane service in kerala to be flagged off at Bolgatty in Kochi : ഇടുക്കി ജില്ലയിലെ ഓരോരുത്തർക്കും സന്തോഷ വാർത്ത. ഇടുക്കി ജില്ലയിലെ ചരിത്രത്തിലാദ്യമായി ജലവിമാനമെത്തുന്നു. ജില്ലയിലെ മൂന്നാറിലെ മാട്ടുപ്പെട്ടി ജലാശയത്തിലാണ് സീപ്ലെയിൻ ഇറങ്ങുക. നവംബർ 11 തിങ്കളാഴ്ച രാവിലെ 11 ന് മാട്ടുപ്പെട്ടിയുടെ ജലപ്പരപ്പിലേക്കാണ് സീപ്ലെയിൻ എത്തുക. സംസ്ഥാന ജലവിഭവ വകുപ്പ് മന്ത്രി റോഷി അഗസ്റ്റിൻ്റെ നേതൃത്വത്തിലാണ് നവംബർ 11ന് സ്വീകരണം നൽകുക .ചടങ്ങിൽ എം എൽ എമാരായ എ. രാജ,എം. എം. മണി എന്നിവർ അടക്കം സന്നിഹിതരായിരിക്കും.
കൂടാതെ കൊച്ചി ബോൾഗാട്ടി പാലസിൽ നവംബർ 11 രാവിലെ 9.30ന് വ്യവസായ വകുപ്പ് മന്ത്രി പി രാജീവിൻ്റെ കൂടി അധ്യക്ഷതയിൽ നടക്കുന്ന സ്പെഷ്യൽ ചടങ്ങിൽ ടൂറിസം, പൊതുമരാമത്ത് വകുപ്പ് മന്ത്രി പി എ മുഹമ്മദ്റിയാസാണ് ഇടുക്കിയിലെ മാട്ടുപ്പെട്ടി ജലാശയത്തിലേക്കുള്ള ജലവിമാനത്തിൻ്റെ പരീക്ഷണപ്പറക്കൽ ഫ്ലാഗ് ഓഫ് ചടങ്ങ് നിർവഹിക്കുക.
Also Read :ഇന്ന് ചെറിയ ആശ്വാസം ,സ്വർണ്ണവിലയിൽ കുറവ്
